Almatyda 35 dárigerlik ambýlatorııa ashylady
Ortalyq kommýnıkatsııalar qyzmetinde ótken baspasóz máslıhatynda qala basshysy Baqytjan Saǵyntaev atap ótkendeı, medıtsına salasyndaǵy naqty jaǵdaıdy anyqtaý úshin barlyq medıtsınalyq mekemelerge aýdıt júrgizilgen. Emhanalar men aýrýhanalardaǵy 30 myńnan astam jabdyqtyń 10 myńy moraldyq jáne fızıkalyq jaǵynan tozǵany belgili bolyp otyr.
«Osyǵan oraı, árbir medıtsına uıymdary jáne aýdandar boıynsha jabdyqtardy modernızatsııalaýdyń úsh jyldyq jospary ázirlendi. Medıtsınalyq jabdyq satyp alýǵa 60 mlrd teńgeden astam qarjy jumsaý josparlanýda. 2020 jyldyń ózinde 20 mlrd teńgeniń jabdyqtary alynady», - dedi qala ákimi Baqytjan Saǵyntaev.
Budan ózge «qadamdyq jaqyndyq» qaǵıdasy boıynsha taıaýdaǵy úsh jyl ishinde jańa yqshamaýdandar men qalaǵa qosylǵan aýmaqtarda 35 dárigerlik ambýlatorııa ashylmaq. Olardyń jeteýi qazirdiń ózinde jumysyn bastap ketse, jyl aıaǵyna deıin taǵy úsheýi ashylady.
«Alataý aýdanynda qarashada Jedel medıtsınalyq kómek qyzmetiniń jańa qosalqy stansasy ashyldy. Osynyń arqasynda Áýezov jáne Alataý aýdandarynda turatyn naýqastarǵa dárigerlik brıgadalardyń barý ýaqyty 25 mınýttan 11-13 mınýtqa deıin qysqardy», - deıdi ákim.