Almatyda 320 tonnadan astam hımııalyq zatty saqtaýda talaptar buzylǵan

ALMATY. QazAqparat- Almatydaǵy qoımalardyń birinde qaýipsizdik erejelerin óreskel buzǵan 320 tonnadan astam hımııalyq reaktıv saqtalǵan, dep habarlaıdy QazAqparat tilshisi.

Almatylyq polıtseılerdiń «Qorynda hımııalyq reagentterdiń alýan túri bar JShS-niń qoımalaryn tekserýi kezinde tehnıkalyq talaptarǵa sáıkessizdik anyqtaldy. Kásiporyn qoımasynda kúzet dabyly ornatylmaǵan, terezelerde tor men baılanys telefony joq bolyp shyqty.

Sonymen qatar atseton, dıetıl spırti, kalıı permanganaty, tuz qyshqyly, kúkirt qyshqyly sııaqty prekýrsorlardyń aınalymy shekteldi. Aınalymǵa shekteý qoıylǵan prekýrsorlardyń jalpy sany 322 tonna 4 kılogramdy qurady», - dedi, Almaty qalalyq PD Esirtki qylmysyna qarsy kúres Basqarmasynyń bastyǵy, polıtsııa podpolkovnıgi Erlan Álmaǵambetov.

Polıtsııa ókiliniń aıtýynsha, is qozǵaldy, onyń qorytyndysy boıynsha tıisti sheshim qabyldanatyn bolady Aıta keteıik, Almatyda respýblıkalyq aýqymdy «Dármek» jedel-aldyn alý is-sharasynyń úshinshi kezeńi aıaqtaldy, onyń aıasynda qaladaǵy dárihanalar, emhanalar, medıtsınalyq mekemeler, bıohımııalyq preparattar aınalymyna qatysty uıymdar tekseriledi.