Almatyda 300-den astam oqýshy áskerı taqyrypta sýret salady

ALMATY. QazAqparat - Almatyda Jeńis kúnine ári QR Qorǵanys Kúshteriniń 25 jyldyǵyna baılanysty birqatar qoǵamdyq aýqymdy sharalar uıymdastyryldy, dep habarlaıdy QazAqparat tilshisi.

Atap aıtqanda, 7-9 mamyr aralyǵynda  áskerı mektepterdiń, kolledjder men joǵary synyptardyń qurmetti qaraýyldary UOS-qa qatysýshylar eskertkishteri janynda «Eskertkish vahtasynda» turady. Patrıottyq aktsııalar qalanyń 8 aýdanynda ótýde. Sonymen qatar, 7-9 mamyr aralyǵynda Á. Qasteev atyndaǵy beıneleý óneri jáne tehnıkalyq dızaın mektebiniń qatysýymen 28-shi  gvardııashyl-panfılovshylar saıabaǵynda, Arbatta jáne QR Tuńǵysh Prezıdenti  saıabaǵynda áskerı taqyrypta sýretshiler  pleneri ótip jatyr. Sharaǵa barlyǵy 302 oqýshy qatysyp jatyr. Sondaı-aq, 9 mamyrda eki úrlemeli orkestrler Arbatta, 28-shi gvardııashyl- panfılovshylar saıabaǵynda, QR Tuńǵysh Prezıdenti  saıabaǵynda óner kórsetedi, oǵan Jubanov atyndaǵy mýzyka mektebi men Chaıkovskıı atyndaǵy mýzkalyq kolledjdiń orkestrleri qatysady.

Sonymen qatar, eki mańyzdy sharanyń biri - 9 mamyrda ótedi. Tańǵy saǵat 10.00-de 28-shi gvardııashyl-panfılovshylar saıabaǵyndaǵy Máńgilik alaý aldyndaǵy alańda Dańq memorıalyna gúl shoqtaryn qoıý rásimi ótedi.

Saltanatty sharaǵa UOS ardagerleri, qurmetti qaraýyl rotasy, áskerı-úrlemeli orkestr jáne basqalary qatysady. Shara barysynda qala turǵyndary qaza bolǵandardy  bir mınýt únsizdikpen eske alady, budan soń qurmetti qaraýyl rotasynyń  merekelik  sherýi ótedi jáne kontsert bolady.

 

Kontserttik baǵdarlamaǵa «Poklonımsıa velıkım tem godam», «Svıaşennaıa voına», «Jas qazaq», «Álııa», «Talıanochka», «Saǵadat», «Smýglıanka», «V zemlıanke», «Ana týraly ballada» jáne basqa da kompozıtsııalar engen. Sahnada QR Memlekettik úrlemeli orkestri, Roza Rymbaeva, Talǵat Kúzembaev, «ILCanto », «Art-klassık» kvartetteri, Bereke Eńkebaeva, Alekseı Tımofeev, Tólegen Rahımbaev jáne basqalary óner kórsetedi.

9 mamyrda  «Astana» alańynda keshki saǵat 20:00-den  túngi saǵat 22:00-ge deıin «Taǵzym!» atty merekelik kontsert kórsetiledi, onda Oleg Tatamırovtyń, Talǵat Kúzembaevtyń, Igor Blagodarnyıdyń oryndaýyndaǵy «Poklonımsıa», Alekseı Tımofeevtiń oryndaýyndaǵy «Pamıat», «ill-Canto» kvartetiniń oryndaýyndaǵy «Talıanochka», Janna Orynbasarovanyń oryndaýyndaǵy «Katıýsha», Tolqyn Zabırovanyń oryndaýyndaǵy «Ana týraly ballada» syndy áskerı ánder aıtylady. «Saǵadat», «Temnaıa noch», «Na bezymıannoı vysote», «Kesteli oramal», «Soǵystan qaıtqan soldattar»  kompozıtsııalary qoıylady.

Saǵat  22:00-de merekelik salıýt bolady.