Almatyda 30 myń turǵynǵa qyzmet kórsetetin emhana ashyldy

ALMATY. QazAqparat - Almatyda Táýelsizdik kúnine oraı birqatar áleýmettik nysan paıdalanýǵa berildi, dep habarlaıdy QazAqparat tilshisi.

Qala ákimi Baýyrjan Baıbek jumys sapary kezinde Almatynyń Naýryzbaı aýdanynda jaqynda ǵana boı kótergen №26 emhanany jáne Alataý aýdanyndaǵy №186 balabaqshany aralap kórdi.

№26 emhana bir mezette 500 adamǵa qyzmet kórsete alady. Ol 1939 jyly salynǵan eski aýyldyq aýrýhana ornyna turǵyzyldy. Zamanaýı jabdyqtary bar medıtsınalyq mekeme Taýsamaly, Tastybulaq, Taýjoly, Qaraǵaıly, Quramys jáne Qarǵaly syndy eldimekenderdiń 30 myńǵa jýyq turǵynyna qyzmet kórsetetin bolady.

«Almatyda densaýlyq saqtaý salasynyń sapasyn arttyrý úshin tıimdi sharalar qabyldanyp keledi. Osyǵan oraı, qajetti Jol kartasy jasaldy. Qazirdiń ózinde tsıfrlandyrýdyń arqasynda syrqattarǵa qyzmet kórsetý ýaqytyn 20%, kezek kútýdi 30% qysqartýǵa, dárigerdi úıge shaqyrtýdy 1,5 ese jedeldetýge qol jetkizildi», - dedi qalalyq Densaýlyq saqtaý basqarmasynyń basshysy Qanat Tósekbaev.