Almatyda 30 kópqabatty úıdiń qısaıǵan irgetasy nyǵaıtyldy
«QazQSǴZI» AQ ınstıtýtynyń qorytyndysyna sáıkes, nyǵaıtylǵan jáne tegistelgen úıler odan ári paıdalanýǵa jaramdy. «Otbasy bank» AQ páterlerin kepilge alý máselesi jaqyn arada sheshiletin bolady», - dedi qala basshysy.
«Zerdeli» shaǵyn ýdanyndaǵy birneshe úıdiń múlik ıeleri birlestiginiń tóraǵasy atqarylyp jatqan jumystardyń sapasyna shaǵymdandy.
«Sizder qısaıǵan úılerdi qalpyna keltirip jatyrsyzdar. Alaıda jumys sapasyz oryndaldy. Tóbesinen sý aǵyp, qasbeti opyrylyp jatyr, sýaǵary joq, aryqtar salynbaǵan. Saın kóshesine baratyn aryq jelisi №148 balabaqshanyń janynan bitedi. Ol jerge sý tolǵan soń qaıda barady, «Zerdelige». Taǵy da sý basady. Bul baǵyttaǵy jumystardyń eshqaısysy jaqsy júrgizilgen joq», – dep shaǵymdandy turǵyn.
Alataý aýdanynyń ákimi Azamat Qaldybekov bul úılerde aqaý bar ekenin moıyndady.
«Iá, kemshilikter bar. Biz sýaǵardy bilemiz. Úılerdiń kireberisne keletin bolsaq, MIB olardy ózderi jasaýy kerek, biz qasbetterdegi barlyq aqaýdy joıamyz. Qurylys bólimimen birlese otyryp, osy máselemen aınalysyp jatyrmyz. 5 tamyzǵa deıin barlyq kemshilikti joıamyz», - dep jaýap berdi aýdan ákimi.
Almaty qalasy ákiminiń orynbasary Asqar Ámrın úılerdegi barlyq aqaý jóndelip, eki aıdyń ishinde aryqtar jalǵanatynyn aıtty.
Almaty ákimdigi 2012-2016 jyldary «Zerdeli» shaǵyn aýdanynda memlekettik baǵdarlama boıynsha 30 kóppáterli 9 qabatty úı salynǵanyn eske saldy. Alaıda páterlerde esikter jyljyp, qabyrǵalarda jaryqtar paıda boldy, úıler qısaıyp ketti.
Eske salaıyq, 2019 jyly Alataý aýdanyndaǵy «Zerdeli» shaǵyn aýdanynyń turǵyndary úıleriniń qısaıǵanyn aıtyp, dabyl qaqqan bolatyn. Atalǵan shaǵyn aýdanda ornalasqan barlyq 32 kópqabatty turǵyn úıge tekserý júrgizý úshin 312 mıllıon teńge baǵyttalǵan. Keıin Erbolat Dosaev 2 kópqabatty úıdi buzý týraly «QazQSǴZI» AQ qorytyndysy baryn aıtqan bolatyn.