Almatyda 3 myńnan astam ǵımarattyń seısmıkalyq turaqtylyǵy tekseriledi
Balabaqsha, mektep men aýrýhana, qoǵamdyq mekeme, sondaı-aq kóppáterli turǵyn úı sııaqty áleýmettik maqsattaǵy nysandar sertıfıkattaýdyń ekinshi kezeńine kiredi.
«Ǵımarattardyń seısmıkalyq turaqtylyǵyn jáne beriktigin baǵalaý eki kezeńnen turady. Birinshi kezeń - elektrondyq pasportty qurý. Derekterdi vızýaldy tekserý nátıjelerinen kúndelikti fotografııalyq materıaldardy Almaty qalasynyń jergilikti koordınattar júıesine qatysty nysandarmen toltyrý úshin GIS baǵdarlamasynyń elektrondyq derekqoryna engiziledi, ol barlyq jumys kezeńinde obektilerdi seısmıkalyq barlaý týraly derektermen kúndelikti tolyqtyrylýy kerek.
Ekinshi kezeń - ǵımarattardyń syrtqy jaǵdaıyn tekserý, kóppáterli úılerge tıesili birqatar jaǵdaılardy anyqtaýdan turady», - delingen habarlamada.
Bul shara jer silkinisi, sel jáne basqa da tabıǵı apattar jaǵdaıynda qalany qalaı qorǵaýdyń túrli josparyn qurýǵa múmkindik beredi. Sertıfıkattaý aıaqtalǵannan keıin nysandarǵa elektrondy tólqujat beriledi, ony keıin ǵımaratty tıimdi paıdalaný jáne jóndeý úshin paıdalanýǵa bolady.
«2017 jyly QazQSǴZI sarapshylary 7 027 nysannyń jaǵdaıyn tekserip, olardyń árqaısysyna elektrondy pasport berdi. Qujatta kóppáterli úılerdiń ishin qaıta josparlaý, qabyrǵalardy alyp tastaýǵa bolatyny men bolmaıtyny sııaqty jaǵdaılar arnaıy jazylǵan. Bıyl jumys jalǵasady. Sertıfıkattaýdyń ekinshi kezeńine memlekettik jáne áleýmettik-mańyzdy nysandar ǵana emes, sonymen qatar Almaty qalasynyń ár jerlerindegi jeke ǵımarattar da engiziledi», - dedi QazQSǴZI óndiris jónindegi basqarýshy dırektory Eraly Shoqparov.
Eske sala keteıik, 2017 jyly «QazQSǴZI» AQ sarapshylary men «Almatybasjospar» mamandary pasporttaý aıasynda 6 547 turǵyn úı nysandaryn, 323 mektepti, 246 balabaqshany, 89 emhanany tekserdi.