Almatyda 28 bazar zaman talabyna saı jańardy

ALMATY. QazAqparat - Almatydaǵy bazarlardy jańǵyrtýdyń nátıjesinde saýda jaǵdaıyn jaqsaryp qana qoımaı, antısanıtarııa men jabaıy saýdany toqtatýǵa bolady. Bul týraly qalalyq kásipkerlik jáne ınvestıtsııalar basqarmasynyń basshysy Erkebulan Orazalın brıfıngte aıtty, dep habarlaıdy QazAqparat tilshisi.

Spıkerdiń sózinshe, eń mańyzdy mindetterdiń biri – kásipkerlerge kóleńkeden shyǵýǵa kómektesý jáne azamattardy belsendi ekonomıkalyq qyzmetke tartý.

Ol úshin dástúrli saýdany zamanaýı órkenıetti formatqa aýystyrý qajet.

«Búginde Almatyda 52 bazar jumys isteıdi, onda 20 myńnan astam kásipker bıznes júrgizedi. Qazirgi ýaqytta 28 bazar jańǵyrtyldy. 25 mlrd teńgeden astam ınvestıtsııa salyndy, jumys oryndarynyń sany 3,4 myńǵa artty. Búgingi tańda 16 qalalyq bazarda jańǵyrtý jumystary júrip jatyr. Onyń 4-i jumysty osy jyldyń sońyna deıin aıaqtaıdy»,- dedi Erkebulan Orazalın.

Bazarlardy jańǵyrtýdyń nátıjesinde saýda jaǵdaıy jaqsaryp qana qoımaı, antısanıtarııa men stıhııalyq saýdany toqtatýǵa bolady.

«Endi bazar qyzmetkerleri jumys berýshilerden jalaqy men qajetti áleýmettik aýdarymdardy ala alady, saýda qyzmetinen bıýdjetke salyq aýdarymdary ashyq bolady»,-dedi ol.

Aıta keteıik, sáýir aıynyń ortasynda jol boıynda saýda jasaǵany úshin ustalǵan áıel kólik astyna túspek bolǵan edi.

Oǵan qatysty Ákimshilik quqyq buzýshylyq týraly kodekstiń 667-babynyń birinshi tarmaǵy boıynsha ákimshilik hattama toltyryldy.