Almatyda 27 jastaǵy jigitten iri kólemde mefedron tárkilendi
Sot-hımııalyq saraptamanyń qorytyndysyna sáıkes, tárkilengen zattar - psıhotroptyq mefedron atty esirtki bolyp shyqty.
Patrýldik polıtsııa ınspektorlary Túrkistan oblysynyń týmasyn ustady.
Ol osy 23 dozany Áýezov aýdanynda taratýdy josparlaǵan.
«Polıtsııa qyzmetkerleri tyıym salynǵan preparattar bar-joǵyn suraǵanda er adam qolynda esirtki oramdary bar ekenin birden moıyndady. Turǵylyqty mekenjaıyn tintý kezinde esirtkisi bar oraýsyz baılam men iri kólemdegi aqsha tabylyp tárkilendi. QK 297-baby 3-bóliginiń 1,3 tarmaǵynda kózdelgen qylmysty jasady degen kúdikke ilingen adam ýaqytsha ustaý ızolıatoryna qamaldy», - deıdi Áýezov aýdandyq polıtsııa basqarmasynyń bastyǵy, polıtsııa podpolkovnıgi Ulan Ábilqaıyr.
Bir top adamnyń aldyn ala kelisim boıynsha asa iri mólsherde psıhotropty zattardy zańsyz ıemdenip, saqtaǵany jáne ótkizgeni úshin múlki tárkilenedi.
Olarǵa on jyldan on bes jylǵa deıingi merzimge bas bostandyǵynan aıyrý jazasy qarastyrylǵan.