Almatyda 250 myń sharshy metr jol jóndeledi
Almatyda aǵymdaǵy jóndeý jumystaryn júrgizý úshin 162 jumys orny ashyldy. Oǵan 16 jumys brıgadasy men 45 arnaıy tehnıka birligi jumyldyryldy.
Oıylǵan jerlerdi jóndeý úshin 250 myń sharshy metr asfaltbeton jabyndysy tóseledi jáne 40 aıaldama qaltalaryn, alańdardy retke keltirý josparda bar.
«Qazirgi kezde oıylǵan jerlerdi jóndeý jumystary birinshi kezekte magıstraldy kóshelerde júrgizilýde, keıin birtindep aýdandyq mańyzy bar kóshelerge aýysatyn bolady. Osy jóndeý jumystary aýdandyq ákimdikterdiń ótinishteri, PD JPB-nyń, Open Almaty jáne taǵy basqa ótinish bergen uıǵarymdar boıynsha anyqtalǵan jaǵdaıda turaqty júredi», - delingen ákimdik taratqan habarlamada.
Jyldyń qysqy kezeńinde kóshe-jol jabynyndaǵy aqaýlar sýyq asfaltbeton qospasyn tóseý arqyly ýaqytsha jóndeledi, keıin kóktem-jaz maýsymynda ystyq asfaltbeton tóseledi, qospanyń ortasha táýliktik temperatýrasy +10, qurǵaq negizde iske asady.
Jalpy, Almaty qalasynda kóshe-jol jelisiniń uzyndyǵy 3 096,8 shaqyrym, kóshe sany - 2 746. Onyń ishinde magıstraldy mańyzy bar kósheler - 385, olardyń uzyndyǵy 1150 shaqyrym. Jergilikti mańyzy bar kóshelerdiń sany - 2361, olardyń uzyndyǵy 1946,8 shaqyrym.