Almatyda 23 jastaǵy qyz úıdiń joǵarǵy qabatynan qulady

ALMATY. QazAqparat – Almatyda kópqabatty úıdiń kireberis balkonynan boıjetken qyz qulap ketti, dep habarlaıdy QazAqparat tilshisi.

Oqıǵa ornynan túsirilgen foto, vıdeo áleýmettik jelide jarııalandy. «Vıdeo «Teracotta» turǵyn úı kesheninde túsirildi – búgin onda adam qaıtys boldy. Aldyn ala málimet boıynsha – sýıtsıd», - dep jazylǵan onda.

Almaty qalalyq Polıtsııa departamenti atalǵan derekti Bostandyq aýdandyq polıtsııa basqarmasy QR Qylmystyq kodeksiniń 105-baby boıynsha (Óz-ózin óltirýge jetkizý) sotqa deıingi tergeýdiń biryńǵaı tizilimine tirkegenin habarlady.

«Boljam boıynsha óz-ózine qol salǵan 2000 jyly týǵan V. esimdi azamatsha. Sot-medıtsınalyq saraptama taǵaıyndaldy. Oqıǵanyń basqa mán-jaıy anyqtalyp jatyr», - dep habarlady vedomstvonyń baspasóz qyzmetinen.