Almatyda 2023 jyly memleket qajettiligi úshin qansha jer telimi alynady

ALMATY. QazAqparat - 2023 jyly Almaty ákimdigi «Qalqaman» jańa metro stansasyn salýǵa jáne birneshe kóshe men dańǵyldy uzartý úshin jer telimderin satyp alýdy aıaqtaıdy, dep habarlaıdy QazAqparat tilshisi.

Almaty qalalyq jer qatynastary basqarmasynyń málimetinshe, kelesi jyly Medeý aýdanyndaǵy T. Rysqulov dańǵyly boıyndaǵy aınalmaly jol ótkeliniń qurylysyna 7 jer telimin, Tóle bı kóshesin ıAssaýı kóshesinen qala shekarasyna deıin uzartýǵa 270 ýchaske satyp alý josparlanyp otyr.

Sondaı-aq, T. Rysqulov dańǵylyn F. Ońǵarsynova kóshesinen qala shekarasyna deıin uzartý úshin 210 jer telimi satyp alynady.

Budan bólek, A. Jubanov kóshesin B. Momyshuly kóshesinen qala shekarasyna deıin uzartý jáne metropolıten salý («Qalqaman» stantsııasy) jobalary boıynsha jer telimderin satyp alý aıaqtalýy qajet.

Mamyr aıynda Tóle bı kóshesin qala shekarasyna deıin uzartý jumystary bastalǵan bolatyn . Birinshi ýchaskesi ıAssaýı kóshesinen bastalyp, Áshimov kóshesine deıingi aralyqty qamtymaq. Jobany 2023 jyldyń jeltoqsan aıynda aıaqtaý josparlanyp otyr. Qazirgi ýaqytta 270 jer teliminiń 22 ýchaskesi satyp alyndy.

Aıta keteıik, Almatyda osy jyldyń birinshi jartyjyldyǵynda memleket qajettiligi úshin 105 jer ýchaskesi alyndy.