Almatyda 202 soǵys ardageri 1 mln teńgeden aldy

ALMATY. QazAqparat – Almatyda Ekinshi dúnıejúzilik soǵys ardagerleri men múgedekterine 1 mıllıon teńgeden tólenedi. Bul týraly qalalyq áleýmettik ál-aýqat basqarmasynyń basshysy Rahat Shımasheva brıfıng barysynda aıtty, dep habarlaıdy QazAqparat tilshisi

«Qala ákiminiń qoldaýymen jáne Almaty qalasy máslıhatynyń sheshimimen áleýmettik qoldaý kórsetý maqsatynda 202 UOS qatysýshylary men múgedekterine 1 mıllıon teńge tólendi. Budan bólek shamamen 4 myń adam - 100 myń teńge,14 myńnan astam adamǵa -50 myń teńgeden tólenedi»,– deıdi Rahat Shımasheva .

Jalpy birjolǵy tólemdi 1,3 mlrd teńgege 18 296 adam aldy:

Atap aıtar bolsaq, Ekinshi dúnıejúzilik soǵysynyń qatysýshylary men múgedekterine 1 mln teńge (202 adam); 100 myń teńgeden maıdanǵa qatysýshylar men múgedekterine jeńildikter men kepildikterine teń adamdar (3 954 adam); maıdanda qaıtys bolǵan nemese habarsyz ketken áskerı qyzmetshilerdiń jesirlerine 100 myń teńgeden (4 adam); Aýǵanstandaǵy soǵys kezinde jaraqat alǵan, sonyń saldarynan aýyryp qaıtys bolǵan nemese qaıtys bolǵan áskerı qyzmetshilerdiń ata-analary men jubaılaryna 100 myń teńgeden (32 adam); eńbek maıdanynyń qatysýshylaryna (soǵys jyldarynda tylda jumys istegen), onyń ishinde KSRO medaldarymen jáne ordenderimen marapattalǵan, sonymen qatar marapattalmaǵan adamdarǵa 50 myń teńgeden (14 104 adam) tólendi.