Almatyda 20 myńnan astam adam jumysqa ornalasty
«Búgingi tańda jumyspen qamtý ortalyǵyna 33,2 myń adam júgindi, olardyń 10,9 myńy jumyssyz mártebesin aldy. «Eńbek» memlekettik baǵdarlamasy aıasynda jyl basynan beri 21,4 myń adam jumyspen qamtyldy, onyń ishinde 16,3 myń adam turaqty jumysqa ornalasty. Al «Jumyspen qamtýdyń jol kartasy» boıynsha 7,2 myń adam qamtyldy. Taǵy 5 myń turǵyn ýaqytsha jumysqa kirdi», - dep habarlady Almaty qalalyq áleýmettik ál-aýqat basqarmasynan.
«Eńbek» memlekettik baǵdarlamasynyń ekinshi baǵyty aıasynda jańa bıznes ıdeıalardy júzege asyrýǵa, jeke bıznes ashýǵa nemese qoldanysta kásipti keńeıtýge 555 myń teńgege deıin granttar qarastyrylǵan. Búgingi kúni 706 adam 392,3 mln teńgege grant aldy.
Eńbek mınıstrligi qysqa merzimdi kásiptik oqýlaryn ótkizý úshin suranysqa ıe 100 mamandyqty bekitti.
«Jumyspen qamtý ortalyǵy karantın sharalaryn eskere otyryp, qysqa merzimdi kýrstardy uıymdastyrý, onlaın sabaqtar ótkizý múmkindigi týraly máseleni sheshýde. Qazir 27 oqý ortalyǵynda 42 kásip boıynsha jumys berýshilerden ótinishter kelip tústi «, - dep atap ótti basqarmadaǵylar.
«Jumyspen qamtýdyń jol kartasy baǵdarlamasy» boıynsha 103,9 mlrd teńgege 216 ınfraqurylymdyq joba júzege asyrylady. Infraqurylymdyq jobalardy iske asyrý aıasynda jumyssyz jastarǵa basymdyq beriledi. Barlyǵy 26 myń jańa jumys ornyn qurý josparda.
Búgingi tańda atalǵan joba aıasynda 14,3 myń jumys orny quryldy, onyń ishinde 7235 adam jumyspen qamtý ortalyǵy arqyly ornalasty.