Almatyda 20 myń stýdentke jataqhana jetpeıdi –mınıstr

NUR-SULTAN. QazAqparat – QR Ǵylym jáne joǵary bilim mınıstri Saıasat Nurbek Almatyda jataqhanasyz qalǵan stýdentterdi jedel shtabpen jumys isteýge shaqyrdy, dep habarlaıdy QazAqparat tilshisi.

«Almatyda oqý jylynyń basynda jedel shtab quryldy. Meniń keńesshim Aısulý Ernııazova osy máseleni Almatyda baqylap júr. Sebebi túıtkildi másele Almatyda qalyptasyp otyr. Óńirlerde 14 myń tósek oryn (jataqhana orny – red) bos qalýda. Al Almatyda kersinshe 19-20 myń tósek orny jetispeı tur. Nege deseńiz, ol jerde 35 joǵary oqý ornynda búkil eldegi stýdentterdiń 30 paıyzdan astamy shoǵyrlanǵan. Olardyń óziniń 70 paıyzy basqa óńirlerden kelgen»,-dedi vedomstvo basshysy.

Onyń paıymynsha Almatynyń qazirgi jaǵdaıy úlken qalalardyń kóbinde kezdesedi.

«Bul negizi úlken qalalardyń ortaq problemasy. Sondyqtan sol jedel shtabqa sizderdiń de kómekterińiz kerek. Kez kelgen otbasy, kez kelgen bala dalada qalyp qoıǵan jaǵdaıda jedel shtabqa tezirek habarlassyn. Jeli 24 saǵat jumys isteýde», - dedi Saıasat Nurbek.

Foto: t.me/KZgovernment