Almatyda 20-dan astam adamdy aldaǵan alaıaq Tarazda ustaldy
Almaly aýdandyq Polıtsııa basqarmasyna 20-dan astam jábirlenýshi alaıaqtyq týraly aryzben júgingen. Tártip saqshylarynyń aıtýynsha, ıÝ esimdi azamat ınvestıtsııalyq kompanııaǵa salym salýdy syltaý etip, qomaqty qarjy jınaǵan. Aqshany alǵannan keıin ol belgisiz baǵytta jysyrynǵan. Al túsken qarajatty óz qalaýy boıynsha paıdalanǵan.
«Jedel-izdestirý is-sharalary barysynda «klıentterden» qashyp, Taraz qalasyna barǵan 30 jastaǵy Reseı Federatsııasynyń týmasy ustaldy. Qazir qyzmetkerler alaıaqtyqtyń 30 deregin dáleldedi. Ol boıynsha sotqa deıingi tergeýdiń biryńǵaı tizilimine QK-tiń 190-baby 3-bóliginiń 4-tarmaǵyna sáıkes qylmystyq is qozǵaldy», – dedi Almaly aýdandyq Polıtsııa basqarmasynyń bastyǵy Esen Ysqaqov.
Jedel qyzmetkerler aldanǵan adamdardyń budan da kóp ekenine senimdi. Olar ustalǵan azamattyń sýretin muqııat qarap shyǵýdy jáne osy adamnyń áreketinen zardap shekkenderdiń barlyǵy myna telefon nómirleri arqyly habarlasýdy suraıdy: 8-705-555-7763; 8-775-747-7778.