Almatyda 2 jylda ındýstrııalandyrý kartasyna engen 223 mlrd. teńgeniń 13 jobasy iske qosyldy - Erbol Shormanov
Bul týraly qala ákiminiń orynbasary Erbol Shormanov keshe Indýstrııa jáne jańa tehnologııalar mınıstri Áset Isekeshevke Almatydan ındýstrııalandyrý kartasyna engizýge usynylǵan jańa jobalarmen tanysý kezinde aıtty.
«2010-2014 jyldarǵa arnalǵan údemeli ındýstrııalyq-ınnovatsııalyq damý baǵdarlamasyn júzege asyrýǵa alǵashqyda Almatydan ındýstrııalandyrý kartasyna 258 mıllıard teńgeniń 28 jobasy engen bolatyn. Bul jańadan 5 myń jumys ornyn ashýǵa múmkindik beredi. 2010 jyly 52 mıllıard teńgeniń 4 jobasy, al byltyr 171 mıllıard teńgeniń 9 jobasy aıaqtaldy», - dedi Erbol Álimqululy. Onyń aıtýynsha, 2012 jyly alǵashqy jartyjyldyqta 1,1 mıllıard teńgeniń 3 jobasy iske qosylady. Olar qubyr ızolıatsııalaý zaýytynyń 614 mıllıon teńgelik, «Alfa plast» kásipornyn keńeıtý jónindegi 45 mıllıon teńgeniń jáne «Zeta» kompanııasynyń jıhaz shyǵarýǵa arnalǵan 500 mıllıon teńgelik jobalary. Endi ekinshi jartyjyldyqta 17 mıllıard 260 mıllıon teńgeniń taǵy 5 jobasyn aıaqtaý josparlanyp otyr. Olar - «GEGA» JShS-niń 15 mıllıard 450 mıllıon azyq-túlik lıgıstıkalyq ortalyǵyn qurý jónindegi; «DOSFARM» JShS-niń 200 mıllıon teńgelik óndiristi jańartý jáne GMP Halyqaralyq sapa standartyn engizý týraly; «Bılneks»JShS-niń 91 mıllıon teńgelikjıhaz óndirisin uıymdastyrýǵa arnalǵan; «Orgtehstrom» JShSniń 1 mıllıard 234 mıllıon teńgelik 1SS, AA, SS-TVL-M úlgisindegi jáne suıyq júk tasıtyn konteınerler shyǵarý týraly jáne «Kazstroısteklo»JShS-niń 319 mıllıon teńgelik áınekti ónerkásiptik óńdeý zaýytynyń qurylysy jónindegi jobalary. Al ındýstrııalandyrý kartasyna engen 15 mıllıard teńgeniń qalǵan 7 jobasy 2013-2014 jyldary iske qosylmaq.