Almatyda 2 myńǵa jýyq jedel járdem qyzmetkeri tólemaqy aldy
23:11, 21 Shilde 2020
ALMATY. QazAqparat – Almatyda indetpen kúresip jatqan 2 myńǵa jýyq jedel járdem qyzmetkeri tólemaqy aldy. Bul týraly búgin onlaın brıfıng barysynda Almaty qalalyq jedel járdem stansasynyń bas dárigeri Birjan Ospanov aıtty, dep habarlaıdy QazAqparat tilshisi.
«4 aı ishinde naýryzdan maýsymǵa deıingi aralyqta 2,222 mlrd teńge kóleminde tólem tólendi. Dárigerler men feldsherler – birinshi sanat boıynsha, júrgizýshiler ekinshi sanat boıynsha ústemeaqy aldy», - dedi Birjan Ospanov.
Jedel járdem stansasynyń 185 dárigerine, 1184 feldsherine, 822 júrgizýshige tólem tólendi.
«Qala ákimdigi jedel járdem qyzmetkerlerin qorǵanys quraldarymen qamtýǵa asa mán berip otyr. Qolǵap, maska, basqa da qorǵanys quraldary jetkilikti dárejede», - dedi B.Ospanov.