Almatyda 185 myń adam MÁMS aıasyndaǵy dárigerlik kómekten qaǵylýy múmkin

ALMATY. QazAqparat -  Almatyda 185 myń adam Mindetti áleýmettik medıtsınalyq saqtandyrý júıesi (MÁMS) aıasynda mártebesin anyqtamaǵan. Sol sebepti júıe engizilgen soń MÁMS aıasyndaǵy medıtsınalyq kómekten qaǵylýy múmkin. Bul týraly qalalyq Memlekettik kirister departamentiniń baspasóz qyzmetinen málim etti, dep habarlaıdy QazAqparat tilshisi.

Departament mamandarynyń aıtýynsha, qazir elde MÁMS júıesi kezeń-kezeńimen engizilip keledi. Dál qazir jumys berýshiler jumysshylaryna ózderi tólem jasap otyr. Keıin MÁMS aıasynda jeke kásipkerler, notarıýstar, jumysshylardyń ózderi úshin tóleıtin bolady.

«Jyl basynan beri 57,7 myń adam mártebelerin bekitti. Onyń ishinde 24 myń adam jaldamaly jumysshy retinde nemese jeke kásipker retinde tirkeldi. Biraq qazir Almaty boıynsha 185 myń tulǵa óz mártebesin anyqtamaǵan. Bul azamattarǵa MÁMS aıasynda medıtsınalyq kómekten qaǵylý qaýpi bar. Ol úshin resmı jumys jasamaıtyn adamdar eńbek kelisimshartyn jasaýy tıis. Kásipkerlikpen aınalysatyn bolsa, salyq organdaryna tirkelýi kerek. Eger, adam jumyssyz bolsa, jumyspen qamtý organdaryna jazylýy qajet. Quzyrly organdar jumyssyzdardy oqytyp, jumysqa turýyna septigin tıgizedi. Almaty turǵyndary mártebesin qalalyq Jumyspen qamtý ortalyǵyna 8 (7173) 41 04 60 telefonyna habarlasý arqyly bile alady», - dedi qalalyq Departamentten.