Almatyda 183 mektepte jazǵy lagerler jumys istep jatyr

ALMATY. QazAqparat - Bıyl Almatyda 1-4 synyp oqýshylarynyń ata-analary balasyn demalysqa qaıda jiberemin dep ýaıymdaǵan joq. Bilim basqarmasynda mektep janyndaǵy lagerlerdiń jumysy qarastyryldy. Bul týraly Almaty qalasy bilim basqarmasynyń basshysy Lázzat Jylqybaeva aıtty, dep habarlaıdy QazAqparat tilshisi.

Aıtýynsha, qaladaǵy 183 mekteptiń janyndaǵy lagerlerde jarty kún ótkizýge bolady. Sonymen qatar, demalys qala syrtyndaǵy balalar saýyqtyrý lagerlerinde júzege asyrylyp jatyr.

Máselen, 1-21 maýsym aralyǵynda Almaly jáne Medeý aýdandarynda turatyn 1 030 bala «Spýtnık» balalar saýyqtyrý ortalyǵynda demaldy. «GaýharTaý» saýyqtyrý keshenine Jetisý men Naýryzbaı aýdandarynan taǵy 180 bala keldi.

«Januıa» mamandandyrylǵan kesheninde tárbıelenip jatqan 90-nan astam jetim jáne ata-anasynyń qamqorlyǵynsyz qalǵan balalar bir aı boıy Oqýshylar saraıynyń «Órnek» jazǵy lagerinde demaldy. Tamyz aıynda Almaty SOS balalar aýylynyń 43 tárbıelenýshisi «Spýtnık» balalar saýyqtyrý ortalyǵynda demalady», - dedi Lázzat Jylqybaeva.