Almatyda 170 shaqyrymǵa jýyq taý soqpaǵy abattandyrylady
B. Saǵyntaev buǵan deıin taýdaǵy qaýipsizdikti qamtamasyz etý úshin myńdaǵan shaqyrym taý marshrýtyn tsıfrlandyryp, 500 shaqyrymyn abattandyrý jóninde aıtqandaryn eske saldy.
«Qaýipsizdikti qamtamasyz etip qana qoımaı, taý joryǵyn qyzyqty ári tanymdy etý úshin Gorelnık pen Aıýsaı shatqaldarynda vızıt ortalyqtar ashamyz», - dep jazdy Almaty ákimi jelidegi paraqshasynda.
B. Saǵyntaev jumys sapary kezinde olardyń áleýetimen tanysty. Munda qajetti jaǵdaı jasalǵan — tamaqtaný orny, sanıtarlyq-gıgıenalyq toraptar, jazǵy terrasalar men tegin Wi-Fi bar. «Tamyr» jabaıy tabıǵatta bolý mektebiniń eriktileri men kásibı alpınısteri tegin ekologııalyq sabaqtar ótkizedi. Týrısterge marshrýttar týraly aqparat berilip, qaýipsizdik pen qorshaǵan ortaǵa uqypty qaraýdyń negizderi túsindiriledi.
Sondaı-aq, ákim Ramada encore by Wyndham, Holiday Inn Express qonaq úılerinde, Novotel living pen Ibis brendi usynǵan «Jetisý» kópsalaly qonaq úı kesheniniń qurylys alańynda boldy. Qonaq úı ınfraqurylymyndaǵy bul nysandardyń negizgi artyqshylyǵy sapa men baǵa saıasatynyń úılesim tabýy jáne qolaıly jaılylyq pen yńǵaılyǵynda. Osylaısha týrısterdi ornalastyrý aýqymy keńeıtiledi.
Buryn habarlanǵandaı, ekologııalyq týrızmdi damytý jáne taýly aımaqtarda ınfraqurylymdy qurý aıasynda sońǵy 4 jylda 1000 shaqyrymnan astam taýly baǵyttar tsıfrlandyryldy. Onyń ishinde jalpy uzyndyǵy 500 shaqyrymǵa jýyq 36 baǵyt abattandyryldy.
Tsıfrlandyrylǵan baǵyttar onlaın ári offlaın rejıminde GPS-Ranger jáne 2Gis navıgatorlarynda qoljetimdi. Navıgatsııany jaqsartý maqsatynda aqparattyq stendter, baǵyttardyń kúrdeliligi týraly aqparattyq kórsetikshter ornatylǵan.
2021 jyly qosymsha 170 shaqyrymǵa jýyq taý soqpaqtaryn abattandyrý jáne 4 kempıng aımaqtaryn qurý josparlanýda. Sondaı-aq taý týrızmin damytý boıynsha eki jobany iske asyrý qolǵa alynady. Olar — Medeu Resort týrıstik jáne Butakovka Med saýyqtyrý keshenderi. Bulardan ózge, «TsSKA» taý shańǵysy bazasyn modernızatsııalaý jáne qala turǵyndarynyń sporttyq-aǵartýshylyq belsendiligin arttyrý josparlanýda. Munda shańǵymen syrǵanaýǵa, tıýbıgnpen aınalysýǵa, jaz aılarynda sadaq atýǵa, atqa minýge jáne velosıped tebýge bolady.
Qonaq úı bıznesin damytý aıasynda aǵymdaǵy jyly 4 qonaq úı keshenin paıdalanýǵa berý josparlanǵan. Bular — 4 juldyzdy Novotel Living, Ramada Encore by Wyndham qonaq úıleri jáne bıýdjettik saıahatshylarǵa arnalǵan 3 juldyzdy IBIS, Holiday Inn Express qonaq úıler. Jalpy, Almatyda týrısterdi ornalastyratyn 328 oryn bar, onyń ishinde qonaq úıler, hostelder jáne sanatorııler.