Almatyda 17 jastaǵy jigit lombardtan uıaly telefondar urlady degen kúdikke ilindi

ALMATY. QazAqparat- Lombardtan urlanǵan uıaly telefondar «Qalqaman» shaǵyn aýdanynda tabylyp, tárkilendi, dep habarlaıdy QazAqparat tilshisi.

Naýryzbaı aýdandyq polıtsııa basqarmasynyń málimetinshe, 17 jastaǵy jigit Raıymbek dańǵylynyń boıynda ornalasqan lombardtardyń birin tonady degen kúdikke ilindi.

Jábirlenýshi tonaý saldarynan keltirilgen materıaldyq shyǵyndy 2 mln teńgege baǵalaǵan.

Urlanǵan mobıldi qurylǵylar men gadjetterdi polıtsııa qyzmetkerleri kúdiktiniń jalǵa alǵan turǵyn úıinen tapty.

Zattaı aıǵaqtar tárkilendi.

QR QK-niń 188-baby 3-bóligi boıynsha sotqa deıingi tergeý amaldary júrgizilýde.

Kúdikti qamaýǵa alyndy.