Almatyda 160 ýchaskede qar kóshkininen qaýip bar
Mınıstrdiń aıtýynsha, almatylyqtar men qala qonaqtarynyń súıikti demalys oryndarynyń biri - Medeý men Shymbulaq. Alaıda, ruqsat etilgen jerlerden tys jerlerde shańǵymen jáne snoýbordpen jıi júrý qar kóshkinin týǵyzady.
«Jyl basynda qaýipsizdik sharalaryn saqtamaý saldarynan taýly jerde bir adam zardap shekti, ekeýi qaıtys boldy. Almaty aımaǵy boıynsha kóshkin qaýpi bar 160 ýchaske belgilengen, onyń 18-i óte qaýipti»,- dedi ıÝrıı Ilın.
Spıkerdiń sózinshe,bıyl kóshkindi aldyn ala túsirý jumystary 26 ret júrgizildi.
25 aqparattyq stend ornatyldy, Medeý-Shymbulaq baýraıynda tórt júzden astam qar ustaıtyn qalqan turǵyzyldy.
Osyǵan qaramastan, olardyń sany áli de jetkiliksiz.
«Men jergilikti atqarýshy organdarǵa qys maýsymy bastalar aldynda kóshkinnen qorǵaý qurylystaryn qosymsha ornatý qajettigin aıtqym keledi. Qazir halyq arasynda jaıaý týrızm óte tanymal, ásirese, Úlken Almaty, Býtakovka, Kókjaılaý shatqaly. Kóbinese, jaıaý týrıster taýǵa daıyn emes jáne marshrýty jazylǵan paraqtarsyz ketip, tótenshe jaǵdaıǵa tap bolyp jatady», - dep atap ótti mınıstr.
ıÝrıı Ilın osy jyldyń ózinde respýblıkalyq jedel-qutqarý jasaǵy 140-tan astam márte kómekke barǵanyn, onyń ishinde taýda izdeý jumystaryna 22 ret shyqqanyn aıtty.
Nátıjesinde 42 adam, onyń ishinde 15 bala qutqaryldy, taýly jerde - 17 adam, úsh bala.
«Azamattardyń qaýipsizdigin qamtamasyz etý úshin Mınıstrlik týrıstik qyzmet kórsetetin uıymdardyń aýmaqtyq bólimshelerin baratyn obektilerine qaramastan týrıster men týrıstik toptardyń marshrýttary, ıaǵnı taýly jer, sý oryndary jáne basqalary týraly mindetti túrde aqparattandyrýǵa bastamashy boldy. Atalǵan zań jobasy memlekettik organdarǵa kelisýge joldandy»,- deıdi ol.
Tótenshe jaǵdaı mınıstri ıÝrıı Ilın Almaty qalasynyń turǵyndaryna qaýipti jerlerde ornatylǵan tyıym salynǵan belgilerdi nazardan tys qaldyrmaı, saqtyq sharalaryn este ustaý jóninde keńes berdi.