Almatyda 16 qabatty úı órtenip jatyr

ALMATY. QazAqparat - Almatyda 16 qabatty úı órtenip jatyr, dep habarlaıdy QazAqparat tilshisi.

Onyń vıdeosy áleýmettik jelide tarady.

Almaty qalalyq tótenshe jaǵdaılar departamentiniń málimetinshe, saǵat 17:10-da TJD kúsh-quraldary Alataý aýdany «Aqkent» yqshamaýdanynda ornalasqan 54-shi úıge shuǵyl attanǵan.

«Órt sóndirýshiler oqıǵa ornyna 6 mınýtta jetti. Olar 16 qabatty turǵyn úıdiń 5-qabatyndaǵy páter ashyq jalynmen janyp jatqanyn anyqtady. Qazir adamdar evakýatsııalanyp jatyr»,- dep habarlady vedomstvodan.

Jedel shtab qurylyp, órt oqpandary berildi.

«5-6-qabat deńgeıinde lıft shahtasynda elektr kabelderi tutandy. Órt sóndirý satylary qoıyldy. Oqıǵa ornyna 50 adam men 14 tehnıka jumyldyryldy», - dep habarlady Almaty qalalyq TJD.