Almatyda 150-ge jýyq esirtkini nasıhattaıtyn graffıtı boıaldy
19 shilde kúni Alataý jáne Naýryzbaı aýdandarynda «Jastar saıasatyn damytý» memlekettik qorynyń eriktilerimen birlesip ótkizilgen respýblıkalyq jedel-aldyn alý is-sharasy aıasynda sıntetıkalyq esirtkiniń taralýy týraly aqparatty qamtıtyn graffıtı-jazýlardy anyqtaýǵa jáne joıýǵa baǵyttalǵan aktsııa ótkizildi.
«Aktsııa aıasynda turǵyn úılerdiń, garajdardyń, ákimshilik ǵımarattardyń qabyrǵalarynda esirtkiniń taralýyn nasıhattaıtyn saıttar jarnamasy bar trafaretter men graffıtı boıaldy. Aktsııany qalalyq polıtsııa departamentiniń esirtki bıznesine qarsy is-qımyl basqarmasy qyzmetkerleri jáne Alataý aýdanynyń polıtsııa basqarmasy jergilikti polıtsııa qyzmetiniń ýchaskelik polıtsııa ınspektorlary, sondaı-aq 20 erikti júrgizdi. Alataý aýdanynyń aýmaǵynda 123 graffıtı-jarnama boıaldy», – dedi Almaty qalasy polıtsııa departamentiniń esirtki qylmysyna qarsy is-qımyl basqarmasynyń bastyǵy Erlan Almaǵambetov.
Sondaı-aq Naýryzbaı aýdanynyń aýmaǵynda is-sharany ótkizýge 20 graffıtı-jarnama anyqtalyp, esirtki bıznesine qarsy is-qımyl basqarmasynyń jeke quramy, sondaı-aq Naýryzbaı aýdanynyń polıtsııa basqarmasy jergilikti polıtsııa qyzmetiniń ýchaskelik polıtsııa ınspektorlary 10 qyzmetkeri jáne memlekettik qordyń 20 eriktisi jumyldyryldy.