Almatyda 15 UOS ardagerine «Almaty Resort» shıpajaıyna 10 kúndik tegin joldama syıǵa tartyldy
Ardagerlerdi mereıli meıramymen «Nur Otan» partııasy AQF tóraǵasynyń birinshi orynbasary Kenjehan Matyjanov, Almaty qalasy ardagerler keńesiniń tóraǵasy Erǵalı Shahýtdınov , QR Prezıdenti Іs basqarmasynyń medıtsınalyq ortalyǵyna qarasty «Almaty Resort» klınıkalyq shıpajaıynyń prezıdenti Kanat Tósekbaev quttyqtady.
Shara barysynda 15 UOS ardagerine QR Prezıdenti Іs basqarmasynyń medıtsınalyq ortalyǵyna qarasty «Almaty Resort» klınıkalyq shıpajaıynyń prezıdenti, «Nur Otan» partııasy Almaty qalalyq fılıaly saıası keńesiniń múshesi Qanat Tósekbaev osy shıpajaıǵa 10 kúndik tegin joldama syıǵa tartty.
«Memleket basshysy Nursultan Ábishuly Nazarbaev bizdiń ardagerlerimizge únemi qoldaýyn kórsetip turady. Maıdangerlerdiń qatary jyl saıyn sırep keledi. Almatyda qazir 1006 ǵana ardager qaldy. Jeńis kúnin merekeleý aıasynda «Nur Otan» partııasy saıası uıym Doktrınasynyń basty qundylyqtaryn negizge ala otyryp, urpaqtar sabaqtastyǵy men qoǵamdaǵy yntymaqtastyq sezimdi, dástúrlik ǵuryptardy, Uly Otan soǵysynyń ardagerlerine degen syı-qurmetti arttyrýǵa baǵyttalǵan «Ardagerlerdi ardaqtaıyq» jobasyn keńinen júzege asyrýda», dep atap ótti Almaty qalasy ardagerler keńesiniń tóraǵasy Erǵalı Shahýtdınov.