Almatyda 131 adam ınfektsııalyq statsıonarda em alyp jatyr

ALMATY. QazAqparat - Almatyda 12 shildedegi jaǵdaı boıynsha 280 adam KVI juqtyrdy. Onyń 268-i sımptomdyq belgilermen, 12-si sımptomsyz. Bul týraly Almaty qalasy Qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

Vedomstvonyń málimetine sáıkes, Almatynyń ınfektsııalyq statsıonarlarynda 131 patsıent em alýda.

«Búgingi tańda Birinshi medıtsınalyq-sanıtarlyq kómek pen Telemedıtsına ortalyǵy dárigerleriniń baqylaýynda 1 687 naýqas baqylanýda. Olardyń ishinde jeńil jáne ortasha aýyrlyq dárejesinde - 1524, sımptomsyz 163 naýqas bar», - delinedi habarlamada.

Sondaı-aq, vaktsınatsııa boıynsha búgingi aqparatqa sáıkes, qalada bir táýlikte vaktsınanyń I komponentimen – 502, II komponentpen 348 adam egildi. Revaktsınatsııadan 1 895 adam ótti.

«2021 jyldyń aqpan aıynan bıylǵy 12 shildege deıin qalada I komponentpen 1 230 769 adam, II komponentpen 1 195 607 adam vaktsınalandy. 2021 jyldyń qarasha aıynan bıylǵy 12 shildege deıin 505 348 adam revaktsınatsııadan ótti. Qazirgi tańda Pfizer (Comirnaty) vaktsınasymen 117 649 adam egildi.

«Qala boıynsha vaktsınanyń qaldyǵy: Vero Cell – 183 012 doza, Pfizer – 11 820 doza, QazVac – 40 793 dozasyn quraıdy. Búgingi tańda qalada 85 vaktsınatsııa pýnkti jumys isteıdi. 99 vaktsınatsııa brıgadasynda 313 medıtsına qyzmetkeri jumyldyryldy» – dep habarlady vedomtsvodan.