Almatyda 1305 páter paıdalanýǵa beriledi

ALMATY. QazAqparat- Bıyl megapolıste 68 myń sharshy metrden astam turǵyn úıdi paıdalanýǵa berý josparda bar. Bul týraly Óńirlik kommýnıkatsııalar qyzmetiniń brıfınginde Almaty qalalyq qurylys basqarmasy basshysynyń orynbasary Ulan Ońalbaev málim etti, dep habaprlaıdy QazAqparat tilshisi.

«2022 jyly 16 turǵyn úıdi, ıaǵnı 1305 páterdi nemese 68 myń sharshy metr nesıelik jáne jaldamaly páterlerdi paıdalanýǵa berý josparda. Sondaı-aq, jumys isteıtin jastar úshin aýdany 42 000 sharshy metr 1050 páter satyp alýǵa qarajat qarastyrylǵan», - deıdi spıker.

Basqarma ókiliniń aıtýynsha, qurylys jumystarynyń kólemi artty. 7 aıda 54 315,4 mln teńge ıgerildi.

«Sonymen qatar, memlekettik baǵdarlamalar sheńberinde kommertsııalyq turǵyn úı qurylysyn yntalandyrý úshin respýblıkalyq bıýdjet qarajatynan 150 kóppáterli turǵyn úıge ınjenerlik-kommýnıkatsııalyq jeliler tartylýda. Nátıjesinde 7 912 páter salynady, onyń jarty bóligi (50%) Memlekettik baǵdarlamalar boıynsha jeńildikpen iske asyryldy»,- dedi ol.

Sonymen qatar, ol qurylys salýshylar óz ýchaskelerinde mektepter, balabaqshalar men medıtsınalyq mekemeler salýdy kózdep otyrǵanyn atap ótti.