ALMATY. QazAqparat – Almatyda bir táýlik ishinde 1293 adam koronavırýsqa qarsy ekpe aldy. Onyń ishinde 1-komponentin 489 adam, 2-komponentin 804 adam saldyrdy. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
«Ótken jyldyń 1 aqpany men bıylǵy 28 naýryz aralyǵynda qalada 1 156 014 turǵyn vaktsınanyń birinshi komponentin, 1 124 975 adam ekinshi komponentin saldyrǵan. Onyń ishinde jasy 60-tan asqan adamdardyń sany 125 067», - delingen habarlamada.
Búgingi tańda Pfizer vaktsınasymen barlyǵy 61 672 adam egildi. Onyń ishinde 3 501 júkti áıel, 13 585 bala emizetin ana jáne 44 249 jasóspirim bar.
«Qazir qalada medıtsına mekemelerinde 137 vaktsınatsııa pýnkti jumys isteıdi. 175 vaktsınatsııa brıgadasynda 555 medıtsına qyzmetkeri jumyldyryldy» - dep atap ótti Almaty qalasy qoǵamdyq densaýlyq basqarmasynyń baspasóz qyzmeti.
Dýman Arǵyngeldi
2008 jyly Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin támamdaǵan. «Qazaqstan» ulttyq arnasynyń Almaty qalalyq fılıalynda, «Aıagóz jańalyqtary», «Almaty aqshamy» gazetterinde qyzmet atqardy. Maqalalary respýblıkalyq, oblystyq, aýdandyq gazet betterinde jarııalandy. 2021 jyldan beri «KAZINFORM» HAA-de jumys isteıdi.