Almatyda 13 myń oqýshyǵa arnalǵan segiz mektep salynady - Saǵyntaev

ALMATY. QazAqparat - Almaty qalasynyń ákimi Baqytjan Saǵyntaev megapolıs turǵyndarymen esep berý kezdesýinde aldaǵy eki jylda segiz mektep boı kóteretinin atap ótti, dep habarlaıdy QazAqparat tilshisi.

Qala basshysynyń megapolıs turǵyndarymen esep berý kezdesýinde mektepterde oryn tapshylyǵy máselesi kóterildi, ásirese Alataý aýdanynyń «Rahat» yqshamaýdanynda.

Ákim 2021 oqý jylyna deıin memlekettik-jekeshelik áriptestik jobasy aıasynda 12 900 oqýshyǵa arnalǵan segiz mektep, onyń ishinde» Rahat» yqshamaýdanynda 1 mektep salý josparlanǵanyn atap ótti. Qazirdiń ózinde 1800 oryndyq eki mekteptiń qurylysy júrip jatyr. Sonymen qatar, qoldanystaǵy mektepterdi 2017 orynǵa keńeıtý josparlanǵan.

Sondaı-aq, 2020-2022 jyldary jeke ınvestıtsııalardyń esebinen 2240 oryndyq tórt mektep, 8000 orynǵa 300 balabaqsha ashý josparlanýda.

Osylaısha, mektepterdegi tapshylyqty 30 myń orynǵa, balabaqshadaǵy kezekti 10 myńǵa azaıtýǵa múmkindik týady.