Almatyda 124 myńnan astam egde jastaǵy adam vaktsına aldy

ALMATY. QazAqparat - Almaty qalasynda bir táýlikte 2409 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

« 2 aqpan kúni 2 409 almatylyq vaktsına saldyrdy. Vaktsına saldyrǵandar sany boıynsha Almaty qalasy aldyńǵy orynda. Ótken jyldyń 1 aqpany men bıylǵy jyldyń 2 aqpany aralyǵynda qalada 1 073 834 turǵyn vaktsınanyń birinshi komponentin, 1 035 046 adam ekinshi komponentin saldyrǵan. Onyń ishinde 124 158 adamnyń jasy 60-tan asqan»,- dep habarlady basqarmadan.

Búgingi tańda Pfizer (Comirnaty) kompanııasynyń ekpesin 44 118 adam saldyrdy. Onyń ishinde 2 291 júkti áıel, 9681 bala emizetin ana jáne 32 216 jasóspirim bar.

Revaktsınatsııadan 172 412 almatylyq ótti.

«Búgingi tańda qalada medıtsınalyq uıymdarda 119 vaktsınatsııa pýnkti jumys isteıdi. 140 vaktsınatsııa brıgadasynda 520 medıtsına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmeti.