Almatyda 120 myńǵa jýyq syrtqy beınebaqylaý kamerasy isteıdi

ALMATY. QazAqparat – Almaty polıtsııasy qylmystyń aldyn alý maqsatynda IT-tehnologııalardyń múmkindikterin belsendi paıdalanýda. Búginde qalada 120 myńǵa jýyq beınebaqylaý kamerasy bar. Olardyń 90% bıýdjetten tys qarjyǵa ornatylǵan. Bul týraly polıtsııanyń baspasóz qyzmetinen málim etti, dep habarlaıdy QazAqparat tilshisi.

«Qaýipsiz aýla» qaǵıdasy boıynsha kóppáterli úılerde 44 myń 687 beınekamera ornatyldy, jeke sektor kósheleriniń qıylysynda 8 myń 642 beınebaqylaý kameralary jumys isteıdi, al jeke turǵyn úılerdiń aýlalarynda 30 myń 154 beınekamera bar. Sonymen qatar, qalada jekemenshik nysandarda 35 myń 892 syrtqy baqylaý kameralary ornatyldy. Olardyń kómegimen jyl basynan beri 975 qylmystyń beti ashyldy, 8 myńnan astam ákimshilik quqyqbuzýshylyq anyqtaldy. Olardyń 5 myńnan astamy jol qozǵalysy erejelerin buzý bolyp otyr», - Almaty PD jergilikti polıtsııa qyzmetiniń bastyǵy Tórehan Isın.

Polıtsııa departamentiniń aqparatyna sáıkes, beınekameralardyń arqasynda bótenniń múlkin urlaý qylmysy azaıǵan: páter tonaý - 2,3 ese, avtomobılder urlyǵy - 2,9%, uıaly telefon urlyǵy - 48,1%, kólik aınalaryn urlaý - 4,3 ese, qalta urlyǵy - 3,4 ese, kólik ishinen urlaý - 13,5%, tústi jáne qara metaldy urlaý 21,7%.

«Sonymen qatar, kameralarda jazylǵan vıdeony qoldaný nátıjesinde sońǵy úsh jylda páter urlyǵy 2,9 ese tómendedi», - delingen habarlamada.