Almatyda 12 áleýmettik joba júzege asyryldy

ALMATY. QazAqparat – Almaty qalasynyń Almaly aýdanynda «Jumyspen qamtýdyń jol kartasy» baǵdarlamasy qalaı júzege asyrylyp jatqandyǵy týraly onlaın brıfıng barysynda aýdan ákiminiń orynbasary Erden Haırýllın aıtyp berdi, dep habarlaıdy QazAqparat tilshisi.

«Jumyspen qamtýdyń jol kartasy» memlekettik baǵdarlamasy áleýmettik turǵyn úı – kommýnaldyq sharýashylyǵyn damytý jáne aýmaqtardy abattandyrý boıynsha ınfraqurylymdyq jobalardy iske asyrý esebinen qosymsha jumys oryndaryn qurýǵa, jumyssyz azamattar sanynyń ósýine jol bermeýge baǵyttalǵan sharalar keshenin aıqyndaıdy.

Almaly aýdany boıynsha jalpy somasy 5,9 mlrd teńgege 12 joba iske qosyldy. Baǵdarlamany júzege asyrý kezeńinde 1 412 jumys orny quryldy, onyń ishinde Almaty qalasynyń halyqty jumyspen qamtý ortalyǵynan 789 adam turaqty jumysqa ornalasty.

«Jumyspen qamtýdyń jol kartasy–2020» baǵdarlamasyn iske asyrý kezinde taýarlardy qazaqstandyq taýar óndirýshilerden satyp alýǵa erekshe nazar aýdaryldy, qazaqstandyq qamtý úlesi 90% nemese 2,5 mlrd teńgeden asady. Onyń ishinde ımport úlesi 10% nemese 300 mln teńgeni quraıdy»,– dedi ErdenHaırýllın.

Іske asyrylǵan jobalar arasynda:

- Maqataev atyndaǵy saıabaqty abattandyrý;

- «Mahabbat» saıabaǵyn abattandyrý;

- «Gagarın» atyndaǵy býlvardy abattandyrý;

- Moldaǵulova kóshesin abattandyrý;

- 0,6 shaqyrym aryq jelilerin jáne 21 ótkelge aǵymdaǵy jóndeý;

- №12, 21, 43 bóbekjaılarǵa aǵymdaǵy jóndeý;

- Chaıkovskıı kóshesin abattandyrý.