Almatyda 12-17 jas aralyǵyndaǵy balalardy vaktsınalaý jalǵasýda

ALMATY. QazAqparat - Almatydaǵy I. S. Jekenov atyndaǵy qalalyq klınıkalyq juqpaly aýrýlar aýrýhanasynyń bas dárigeriniń emdeý jumysy jónindegi orynbasary, ınfektsıonıst dáriger Tamara Utaǵanova ÓKQ alańynda ótken brıfıngide jasóspirimderdi vaktsınatsııalaýǵa qatysty suraqtarǵa jaýap berdi, dep habarlaıdy QazAqparat tilshisi.

Spıkerdiń sózinshe, qalada 12-17 jas aralyǵyndaǵy balalardy vaktsınalaý jalǵasýda. Búgingi kúni Comirnaty vaktsınasyn 16 610 jasóspirim aldy. Alaıda, osy ýaqytqa deıin kóptegen ata-analar balalaryna COVID-19 vaktsınatsııasy qajet pe, joq pa jáne janama áserlerden qorqady.

Tamara Utaǵanovanyń aıtýynsha, «delta» vırýsynyń taralýynan bastap, jasóspirimder de ınfektsııany juqtyra bastady: ókpe zaqymdanýymen aýrýdyń aýyr jaǵdaılary paıda boldy. Sonymen qatar, juqtyrǵan balalar ınfektsııanyń qosymsha kózi bolyp tabylady. Olar týystaryn, vaktsınatsııalanbaǵan jáne qarttardy juqtyrýy múmkin.

«Bul DDU usynysy 12 jastan keıin balanyń aǵzasy eresek adamǵa uqsas bolady. Jasósipirimder úshin vaktsınatsııa óte mańyzdy. Sondyqtan bárine, balalarǵa da, júkti áıelderge de egý kerek. Búgin Almatyda osy sanattaǵy adamdardy vaktsınatsııalaýdyń janama áseri tirkelgen joq», - dep atap ótti Tamara Utaǵanova.

Infektsıonıst jasóspirimderdi vaktsınalaý ımmýndyq qabatty kúsheıtip, keıingi COVID-19 tolqyndarynan qorǵaıtynyna senimdi.