Almatyda «112» biryńǵaı dıspetcherlik qyzmeti qashan iske qosylady

ALMATY. QazAqparat – Almaty qalalyq Tsıfrlandyrý basqarmasynyń basshysy Baıan Qońyrbaev brıfıng barysynda «112» biryńǵaı dıspetcherlik qyzmeti qashan iske qosylatynyn aıtty, dep habarlaıdy QazAqparat tilshisi.

«112» qyzmeti 101, 102, 103 jedel qyzmetteriniń koll-ortalyqtarynyń operatorlaryn biriktirip, jedel basqarý ortalyqtaryn qyzmetterdiń ózinde saqtaıdy.

Joba azamattardyń shuǵyl ótinishterin biryńǵaı qabyldaýdy uıymdastyrý shuǵyl jaǵdaılardy pysyqtaý reglamenti negizinde qyzmetterdiń ózara is-qımylyn tıimdi úılestirýge baǵyttalǵan.

«112» biryńǵaı dıspetcherlik qyzmetiniń ǵımaraty M.Áýezov kóshesi 82 mekenjaıynda ornalasqan.Ótken jyly pandemııaǵa baılanysty qurylys-montaj jumystary belgilengen merzimde aıaqtalmaı qaldy. Qazirgi ýaqytta ǵımaratta jańartý jumystary júrip jatyr. Jyl sońyna deıin aıaqtaý josparda»,- deıdi spıker.

Baıan Qońyrbaevtyń aıtýynsha, «112» biryńǵaı dıspetcherlik qyzmetinde bastapqy kezeńde 150 operator jumys isteıdi.

«2023 jyldyń 1 qańtarynan bastap «112» qzmetine qatysty jeke zań qabyldanady. Almaty qalasy qazirdiń ózinde bul pılottyq jobanyń qalaı jumys isteıtinin kórsetýge ázir. Bul jańa ınnovatsııalyq tásil bolmaq», - dedi ol.