Almatyda 106 júk kólik júrgizýshisi jazalandy

ALMATY. QazAqparat- Almatyda «Avtokólik» jedel-aldyn alý sharasy júrip jatyr. Reıd barysynda qalanyń ortalyq bóliginde las júk kóligi toqtatylyp, júrgizýshileri jaýapqa tartyldy, dep habarlaıdy QazAqparat tilshisi.

Bul týraly Almaty qalalyq Polıtsııa departamentiniń baspasóz qyzmeti málim etti.

«Bul rette aıta ketý kerek, kóbinese las kólikter qurylys nysandarynda qoldanylady. Qurylys alańynan shyǵyp, jol boıynda ketip bara jatqan aýyr júk kóliginiń júrgizýshileri óz kóligin taza sutaýǵa mindetti. Іs júzinde, tájirıbe kórsetkendeı, bul tártip barlyq jerde saqtalmaıdy. Kórsetilgen aldyn alý is-sharasy osyndaı faktilerdi anyqtaýǵa baǵyttalǵan», - dedi Medeý aýdandyq PB bastyǵynyń mindetin atqarýshy, polıtsııa maıory Elnur Qudretbaev.

Spıkerdiń sózinshe, tekseris kezinde 106 las júk kólik júrgizýshisi ákimshilik jaýapqa tartyldy.

Atap aıtar bolsaq, QR ÁQbK-niń 602-babynyń talaptaryn buzǵany úshin - 15 fakti, QR ÁQbK-niń 630-baby 1-bóligi - 28 fakti, QR ÁQbK-niń 334-baby 1 -bóligi - 20 fakti, QR ÁQbK-niń 601-baby 1-bóligi - 6 fakti, QR ÁQbK-niń 620-baby 1-bóligi - 15 fakti jáne jáne taǵy basqa da ereje buzý anyqtaldy.