Almatyda 101 jastaǵy keıýana óz tańdaýyn jasady

ALMATY. QazAqparat – Almatynyń eń qart turǵyndary Májilis pen máslıhat saılaýynda daýys berdi. Saılaý komıssııasynyń músheleri olardyń úıine bardy, dep habarlaıdy QazAqparat tilshisi.

Almaty qalasy Jetisý aýdanynyń ákimdigi Instagram paraqshasynda ýchaskelik komıssııanyń 101 jastaǵy Kultaı Sádýaqasova men 99 jastaǵy Taısıa Antıpınanyń úıine barǵanyn jazdy.

«Bizdiń Jetisý aýdanynda 100 jastan asqan jáne osy jasqa jaqyndaǵan turǵandar bar. Pandemııaǵa baılanysty, olarǵa yńǵaıly ári qaýipsiz bolý úshin ýchaskelik komıssııa daýys berýge arnalǵan arnaıy jáshikpen olardyń úıine bardy. Dál osy ádispen búgin 1920 jyly týǵan Qultaı Sálýaqasova, 1922 jyly týǵan Antıpına Taısıa Ivanovna jáne 1937, 1938 jyly dúnıege kelgen Nefedova Margarıta Fılıppovna men erli-zaıyptylar Ahmetqalıev Nurǵalı jáne Raıa óz daýsyn berdi» delingen habarlamada.