Almatyda 100 jastaǵy ardager «Eńbegi úshin» tósbelgisimen marapattaldy

ALMATY. QazAqparat - Qala ákimi Baqytjan Saǵyntaev soǵys ardageri Qaıyrly Jonqobaevty júz jyldyq mereıtoıymen quttyqtady, dep habarlaıdy QazAqparat tilshisi.

Bul týraly ákim óziniń Twitter paraqshasynda jazdy.

«Memleket basshysynyń atynan aty ańyzǵa aınalǵan Panfılov dıvızııasynda soǵysqan Qaıyrly Jonqobaevty júz jyldyq mereıtoıymen quttyqtadym. Ardagerge «Eńbegi úshin» tósbelgisi tabys etildi. Aqsaqalǵa zor densaýlyq pen amandyq tileımiz», – dep jazady ákim.

1941 jyly Otanyn qorǵaýǵa attanǵan qazaq sarbazy nebári 20 jasta edi.

Máskeý túbindegi erligi men soǵysta kórsetken batyldyǵy úshin kóptegen nagradalarmen marapattaldy.

Búginde qart jaýynger 5 baladan 7 nemere, 14 shóbere súıip otyr.