Almatyda 10 jasar bala eki kúnnen beri izdestirilýde
11:26, 12 Mamyr 2022
ALMATY. QazAqparat – Almatyda 10 jastaǵy mektep oqýshysy Gennadıı Ragýtko izdestirilip jatyr, dep habarlaıdy QazAqparat tilshisi.
Almaty qalalyq Polıtsııa departamentniń resmı ókili Saltanat Ázirbektiń aıtýynsha, qazirgi ýaqytta Túrksib aýdandyq polıtsııa basqarmasynyń qyzmetkerleri Gennadıı Ragýtkony izdep-tabý jumystary belsendi júrgizilip jatyr.
«Jedel izdestirý toby quryldy. Onyń quramynda ıývenaldy polıtsııa, syrtqy qyzmet qyzmetkerleri men eriktiler bar. Qazirgi ýaqytta balanyń júrýi múmkin degen jerlerdiń bári anyqtalyp, tekserilip jatyr. Aıta keteıik, oqýshy buǵan deıin de ata-anasyn eskertpesten úıinen ketip qalǵan», - deıdi polıtsııa ókili Saltanat Ázirbek.
Oqýshy 10 mamyr kúni túski saǵat 12:00 shamasynda úıinen shyǵyp ketkennen habar-osharsyz.