Almatyda 1-synyp oqýshysyn zorlaǵandarǵa qatysty is qozǵaldy

ALMATY. QazAqparat - Almatydaǵy mektepterdiń birinde 1-synyp oqýshysy zorlandy. Ul balanyń ákesi polıtsııaǵa shaǵym túsirdi, dep habarlaıdy QazAqparat tilshisi.

Almaty polıtsııasy bastyǵynyń orynbasary Rýstam Abdrahmanovtyń aıtýynsha, kishkentaı balanyń ákesi Naýryzbaı aýdandyq polıtsııa basqarmasyna 21 sáýir kúni aryzdanǵan.

«Sol kúni 1968 jyly týǵan G. esimdi azamattan túsken aryz QR Qylmystyq kodeksiniń 121-babynyń 4-bóligi boıynsha sotqa deıingi tergep-tekserýdiń biryńǵaı tizilimine tirkeldi. Qazirgi ýaqytta tıisti saraptamalar taǵaıyndaldy, qajetti tergeý áreketteri júrgizilip jatyr. Nátıjesinde is boıynsha zańdy protsessýaldyq sheshim qabyldanatyn bolady. Tergeý barysyn qadaǵalaý úshin protsessýaldyq prokýror taǵaıyndaldy»,- dep atap ótti Rýstam Abdrahmanov.

Sonymen qatar, ol qylmystyq istiń tergelý barysy men nátıjesin Almaty polıtsııa departamenti baqylaýǵa alǵanyn atap ótti.