Almatyda 1 shildeden bastap sýyq sý men kárizdiń tarıfi ózgeredi
«Almaty sý» memlekettik kommýnaldyq kásiporynnyń málimetinshe, Almatyda sońǵy ret sý tarıfi 2014 jyly – bir tekshe metr úshin 55 teńgege deıin kóterilgen.
«Sodan beri ótken 9 jyl boıy tarıfter tómendep kelgen jáne búgingi kúni 1000 lıtr úshin 48 teńgeden az mólsherde qoldanylyp keledi. Almaty qalasynda sý qubyry jelileriniń tozýy - 54,4 paıyz. Sol sebepti 3607 shaqyrym qubyrdyń 2033 shaqyrymyn kezeń-kezeńimen aýystyrý qajettigi týyndap otyr. Kásiporynnyń jóndeý qory respýblıka boıynsha eń tómengi sanalatyn Almatydaǵy sý men káriz tarıfiniń deńgeıine tikeleı baılanysty. Sondyqtan «Tarıfterdi ınvestıtsııalarǵa aıyrbastaý» memlekettik saıasatyn iske asyrý ınjenerlik jeliler men sý daıyndaý stantsııalaryndaǵy, káriz tazartý qurylystaryndaǵy jáne sorǵy stantsııalaryndaǵy qajetti jabdyqtardy aýystyrý úshin kóbirek qarajat jınaqtaýǵa múmkindik beredi. Atalǵan jumysty iske asyrý jelidegi apatty jaǵdaıdy azaıtyp, kórsetiletin qyzmetterdiń sapasyn arttyrýǵa múmkindik beredi», - dep habarlady «Almaty sý» MKK baspasóz qyzmeti.
Sýmen jabdyqtaý jáne aǵyndy sýdy burý qyzmetteriniń tarıfteriniń ózgerýi - bir páter úshin aı saıynǵy kommýnaldyq tólemderdiń somasyn 15%, orta eseppen 150 teńgege ósirmek.
ıAǵnı, tarıf birshama kóterilgenmen, onyń deńgeıi halyq úshin 2014 jylǵy kórsetkishte saqtalady.
«Zańdy tulǵalarǵa qatysty sýmen jabdyqtaý qyzmetteri tarıfiniń ósýi - 69,2 paıyzdy, al káriz tarıfteri - 89,4 paıyzdy quraıdy. Kásiporynnyń óndiristik shyǵynynyń az bóligin sýyq sý men káriz júıesi qamtıtynyn eskerý mańyzdy. Osyǵan baılanysty zańdy tulǵalar úshin sýmen jabdyqtaýǵa jáne sý burýǵa arnalǵan jańa tarıftiń deńgeıi taýarlar men qyzmetterdiń túpkilikti qunyna aıtarlyqtaı áser etpeıdi», - dep habarlady «Almaty sý» kásiporny.