Almatyda 1,7 mln teńgeden astam aıyppuly bar júrgizýshi anyqtaldy

ALMATY. QazAqparat- Almatyda 1,7 mln teńgeden astam aıyppuly bar 55 jastaǵy júrgizýshi ustaldy, dep habarlaıdy QazAqparat tilshisi.

«Qyrǵyzstanda tirkelgen, jalpy somasy 1 782 090 teńgeni quraıtyn aıyppuly bar «Toyota Ipsum» kóligi ustaldy. Mınıvendi 55 jastaǵy jergilikti turǵyn basqarǵan. Bul kólik mamandandyrylǵan aıyppul turaǵyna qoıyldy. Avtomattandyrylǵan júıe jalǵan memlekettik nómirleri bar avtokólikterdi jáne saqtandyrý polısinsiz júrgen sheteldik MTNB bar avtokólikterdi, sondaı-aq kólik júrgizý quqyǵynan aıyrylǵan júrgizýshilerdi anyqtaýǵa múmkindik beredi», – dedi Almaty qalalyq PD Jergilikti polıtsııa qyzmeti basqarmasynyń bastyǵy Erjan Uzabaev.

Onyń aıtýynsha, qalada jalǵan memlekettik nómirlerdi paıdalanatyn, kólikterge arnaıy dabyl berý qurylǵylaryn ornatqan júrgizýshilerdi, rýlge mas kúıinde otyrǵan adamdardy jaýapkershilikke tartý boıynsha maqsatty jumystar júrip jatyr.