Almatyda 1-5 synyptyń 20 myńnan astam oqýshysy dástúrli formatta oqıdy
Onyń aıtýynsha, Almaty qalasynyń bas memlekettik sanıtar dárigeriniń 2021 jylǵy 2 naýryzdaǵy №6 qaýlysyna sáıkes 1-5 synyp oqýshylary ata-analarynyń ótinishi boıynsha mektepke baryp oqıtyn boldy. Synyptaǵy balalar sany 25 adamnan aspaý kerek jáne sanıtarlyq-epıdemııalyq rejım qatań saqtalýy qajet. Al, halyqaralyq mektepterde 1-7 synyptar aralas oqytý formatyna kóshirildi.
«Qazir mektepterde aralas oqytýǵa 1-4 synyptardan - 19 050 oqýshy, 5 synyptyń – 1593 oqýshysy kóshti. Bilim berý uıymdary ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat etilgen,- dedi Qaırat Jumanov.
Almatyda 287 myńnan astam oqýshyny qamtyp otyrǵan 278 mektep bar. Onyń 207-si memlekettik mektep bolsa, 71-i jeke menshik.
Aıta ketsek, 2020-2021 jylǵy oqý jyly bastalǵaly oqýshylardyń basym kópshiligi pandemııaǵa baılanysty qashyqtan oqytý formatynda bilim alǵan edi. Tek, ata-ananyń ótinishi boıynsha bastaýysh synyptarda kezekshi toptar ashylǵan. Oqý jylynyń ekinshi toqsany aıaqtalǵanda 9, 11 jáne 12 synyp oqýshylaryna mektepke baryp oqýǵa ruqsat berildi.
« Aıta keteıik, mektepterdiń qyzmeti sanıtarlyq epıdemıologııalyq talaptardy qatań saqtaı otyryp júzege asyrylady. Qalanyń barlyq mektepteri sanıtarlyq qaýipsizdik dezınfektsııalyq quraldarymen (tonnelder, sanıtaızerler, teplovızorlar, aıaq kıimge arnalǵan kilemshelermen 100% qamtamasyz etilgen»,- deıdi spıker.