Almatyda 1,1 mln saılaýshy tirkelgen
20 mamyr kúngi jaǵdaı boıynsha almatylyq daýys berýshiler sany 1 130 792 adamdy quraǵan. Aýmaqtyq saılaý komıssııasynyń málimetinshe, qala boıynsha 563 saılaý komıssııasy jumys istemek. Onyń toǵyzy qalalyq jáne aýdandyq deńgeıde baqylaý júrgizedi. Qalǵan 554 komıssııa ýchaskelik deńgeıde qyzmet kórsetpek.
«Jergilikti saıttarǵa onlaın tizim ornattyq. Sol arqyly kez kelgen turǵyn óziniń qaı ýchaskede daýys beretinin bile alady. Budan bólek saılaý ýchaskeleriniń mekenjaıy men telefondary jazylǵan paraqtar taratyp jatyrmyz. Daıyndyq negizinen aıaqtaldy» deıdi qalalyq aýmaqtyq saılaý komıssııasy tóraǵasynyń orynbasary Quralaı Kúmisbaeva.
Saılaý kúni almatylyqtarǵa 4845 komıssııa múshesi qyzmet kórsetetin bolady. Turǵyndar ózi týraly saılaý málimetterin 25 mamyrdyn bastap teksere alady. Tizimde bolmaǵan adamdar halyqqa qyzmet kórsetý ortalyqtarynyń mamandaryna júginetin bolady. Osy jáne ózge de suraqtar boıynsha saılaý komıssııasynyń +7 (727) 224 22 22 nómiri jumys isteıdi.