Almatyda 1,1 mln astam adam daýys berýge quqyly

ALMATY: QazAqparat – Almatydaǵy referendým ýchaskeleri óz jumysyn tańǵy saǵat 07:00-den bastady. Bul týraly qalalyq referendým komıssııasynyń tóraǵasy Janna Asanova málim etti, dep habarlaıdy QazAqparat tilshisi.

«Almatyda referendým ýchaskeleri tańǵy saǵat 06:00 ashylyp, 07.00-de daýys berý bastaldy. Eshqandaı zańbuzýshylyq tirkelegen joq. Referendýmǵa qatysýǵa quqyǵy bar azamattar tiziminde 1 126 854 adam bar. 1388 azamatqa esepten shyǵarý kýáligi berildi», - dedi Janna Asanova.

Sonymen qatar ol múmkindigi shekteýli azamattar úshin (densaýlyq jaǵdaıy boıynsha nemese otbasynyń naýqas múshesiniń kútimine baılanysty) úıde daýys berý uıymdastyrylatynyn eske saldy.

«Búgin túski saǵat 12:00-ge deıin úı jaıynda daýys berýge ótinim qabyldanady», - dedi ol.

Aıta keteıik, búgin elimizde Qazaqstan Respýblıkasynyń Konstıtýtsııasyna túzetýler boıynsha jalpyulttyq referendým ótip jatyr.