Almaty zoobaǵyndaǵy janýarlar jazǵy volerge kóshirilip jatyr

ALMATY. QazAqparat - Almaty zoobaǵyndaǵy janýarlar jazǵy volerge kóshirilip jatyr, dep habarlaıdy QazAqparat tilshisi.

«Qazir pil, kerik, sýsıyr men arystandar jazǵy qorshaýlarǵa kóshti. Olardyń barlyǵy kúndiz dalada bolady. Túnde áli sýyq bolǵandyqtan, bul janýarlardy keshki ýaqytta jyly volerge kirgizedi. Túnde aýa temperatýrasy turaqty jáne aıazsyz +15 gradýsqa jetkende, olar táýlik boıy dalada turady», - dep habarlady haıýanattar baǵynan.

Qysqy qorshaýlarda qoltyraýyndar men sýda júzetin qustar qaldy.

«Kóktem kelisimen zoobaq janýarlary da belsendi bola bastaıdy. Olar ashyq qorshaýdyń ishinde júrip, kúnge qyzdyrynady», - deıdi Almaty zoobaǵynyń fotografy Mıhaıl Sorokoýmov

Haıýanattar baǵynda janýarlardy birte-birte jazǵy qoralarǵa kóshirý jalǵasýda.

Foto: «Almaty haıýanattar baǵy» MKQK baspasóz qyzmeti