Almaty zoobaǵynda halyqaralyq Dostyq kúni atap ótilip jatyr (FOTO)
Zoobaq qyzmetkerleriniń aıtýynsha, dostyq adamdarǵa ǵana emes, janýarlarǵa da qajet dúnıe.
«Zoobaq qyzmetkerleri ózderine qarasty qustar men janýarlardy erekshe kútimge alǵan. Olardyń arasynda naǵyz dostyq qarym-qatynas ornaǵan deýge bolady. Al búgingi kúni qyzmetkerlerimiz óz jaýapkershiligindegi zoobaq mekendeýshilerin sylap-sıpap, olarǵa erekshe dámdi qorekter bere alady. Shyny kerek, keıbir qyzmetkerlerdiń keıbir mekendeýshilermen aradaǵy dostyǵyna qarap, tań qalasyń. Mysaly, ekzotarıým meńgerýshisi Aleksandr Gýrnev álemdegi eń ýly jylandardyń biri - úndilik keń alqymdy ábjylan - Katıamen dos. Aleksandra Pylaıkına laqap aty Jorık dep atalatyn kakadýdy erekshe jaqsy kóredi. Kakadý - toty qustardyń bir túri. Demek, dostyq adamdarǵa ǵana emes, janýarlarǵa da kerek», - delingen zoobaqtyń baspasóz qyzmetiniń habarlamasynda.
Aıta ketelik, Halyqaralyq Dostyq kúnin BUU Bas Assambleıasy 2011 jyly bekitken. Sodan beri 30 shilde kúni barlyq elderde bul kún erekshe atap ótiledi. Bul kúndi atap ótýdegi basty maqsat - ár túrli ult ókilderi arasynda dostyq qarym-qatynas ornatý.