Almaty zoobaǵynda Gımalaı aıýynyń qonjyǵy ómirge keldi
Qonjyqtyń ıAshın men Ýssýrı esimdi ata-anasy ótken jyldyń mamyr aıynda Reseıden Almaty zoobaǵyna ákelingen. Zoobaqtyń baspasóz qyzmetiniń habarlaýynsha, bul - aıýlar jubyndaǵy tuńǵysh tól.
«Biz buǵan erekshe qýanyshtymyz. Kishkentaı qonjyq 18 qańtarda týǵan. Bes aıdaı ol anasymen arnaıy bólmede turdy. Osy kezeńde biz anasy men qonjyqty mazalamadyq. Ýssýrı óz qonjyǵyna erekeshe meıirim kórsetip, ósirip keledi. Qonjyq ósip, jetilip, kúsh-qýat jınaǵan soń ǵana olar úlken qorshaýǵa aýystyryldy. Kelýshiler qonjyqty sol jerden kóre alady», - dedi zoobaq qyzmetkerleri.
Zoobaqtyń baspasóz qyzmeti qonjyqqa endi jaqsy esim qoıý úshin áleýmettik jelide oqyrmandardan jaqsy nusqalardy jazyp, usynys-pikirler qaldyrýdy surady.
«Jaqsy qoıylǵan atty jyrtqyshtar bóliminiń aıýlarǵa qaraıtyn mamandary tańdap alady. Nátıjesin birer kúnnen soń storısimizde jarııalaımyz», - dep habarlady zoobaqtyń baspasóz qyzmeti.
Eske salaıyq, osyǵan deıin Almaty zoobaǵynda kengýrý dúnıege keldi jáne Almaty zoobaǵyndaǵy janýarlar jazǵy volerge kóshirildi. Sondaı-aq, Almaty zoobaǵynda eki keleńsiz jaǵdaı oryn alǵan edi. Atap aıtqanda, zoobaqtan maımyldyń qashyp ketpek boldy jáne eki jigit Almaty zoobaǵyndaǵy jolbarysty yzalandyrǵan bolatyn.