Almaty jylytý maýsymyna tas-túıin daıyn
«Almatyda bıyl 12 shaqyrym jylý, 23 shaqyrym elektr jelileri, 283 shaqyrym sý qubyry men 267 shaqyrym káriz júıesi qaıta jasaldy. Megapolıs basshysy Tóle bı kóshesi boıyndaǵy rekonstrýktsııalanǵan 5 shaqyrym jylý jelisin tekserip , sol aımaqtyń mańyn abattandyrý jóninde birqatar tapsyrmalar berdi. Qala ortalyǵyn jylýmen úzdiksiz qamtamasyz etý úshin Tóle bı kóshesi boıyndaǵy eski jylý qubyryn aýystyrý jumystary Rozybakıev kóshesiniń shyǵysy men Ótegen batyr kóshesiniń batysyna qaraı jalǵasatyn bolady»,-dep málimdedi qala ákimdiginiń baspasóz qyzmeti.
Ákimdikten málim etkendeı, bilim, densaýlyq saqtaý nysandary men qalanyń turǵyn úı qory aldaǵy jylytý maýsymyna 100% daıyn. Energetıka kesheni kómir men mazýttyń apatty jaǵdaıdaǵy qorymen tolyq qamtamasyz etilgen.
Gıdravlıkalyq synaq kezindegi kemshilikter tolyq qalpyna keltirilgen soń jylý júıeleri tsırkýlıatsııalyq rejımge kóshedi.
Aıta ketý kerek, Almatyda bıyl 524 kóshe jóndelip, 1400 eski aýla jańaryp, 300 shaqyrym aryq salyndy. Qalanyń barlyq jer asty ótkelderi ózgertildi. Jyl sońyna deıin kóshedegi jaryqtardyń úshten bir bóligi jaryq dıodty jáne energııa jınaqtaýshy shamdarǵa aýystyrylady.