«Almaty jylý jelileriniń» bas dırektory 16 mln teńge para aldy degen kúdikke ilindi

ALMATY. QazAqparat - Almatyda «Almaty jylý jelileri» JShS bas dırektory ustaldy, dep habarlaıdy QazAqparat tilshisi.

Almaty qalasynyń sybaılas jemqorlyqqa qarsy qyzmeti «Almaty jylý jelileri» JShS bas dırektorynyń ustalǵanyn rastady.

Laýazymdy tulǵaǵa qatysty málimetterdi keıinirek berýge ýáde berdi.

Buǵan deıin buqaralyq aqparat quraldarynda Qýanysh Beısenbinovtyń Almatyda jylý jelilerin jańartý kezinde memlekettik satyp alý boıynsha oryndalǵan jumystar aktisine qol qoıǵany úshin «Spetskommýn» JShS ókilinen 16 mıllıon teńge kóleminde para aldy degen kúdikke ilingeni týraly aqparat taraǵan bolatyn

Aıta keteıik, Qýanysh Beısenbınov «Almaty jylý jelileri» seriktestigin 2018 jyldan beri basqaryp keledi.