Almaty JOO oqytýshysy qala turǵyndaryn koronavırýspen kúreste kúsh biriktirýge shaqyrdy
Abaı atyndaǵy QazUPÝ oqytýshysy magıstr, El-Dana Suranshıeva qala turǵyndaryn koronavırýsqa qarsy vaktsına týraly qaýesetterge senbeýge shaqyrdy.
«Men «qorǵalýym kerek» degen qaǵıdany ustanamyn. Óıtkeni týrızm salasynda jumys isteımin, stýdentterge sabaq beremin. Sondyqtan men ózgeniń jáne jaqyndarymnyń densaýlyǵyna alańdaımyn. Alǵashqy kúnderi Almaty qalasynda jappaı vaktsınalaý barysynda ekpe aldym. Men medıtsınaǵa, ǵylym men bilimge senemin. Sonymen qatar, azamattardy vaktsınaǵa qatysty túrli qaýesetterge senbeýlerin suraımyn», – dedi El-Dana.
Jas oqytýshy vaktsınadan keıin janama áser bolmaıtynyn aıtty. Kerisinshe, vaktsınanyń arqasynda oqýshylar men muǵalimder mektep qabyrǵasynda bilim alady, sondaı-aq kúndelikti ómirge oralýdyń eń tıimdi joly.
« Árbir azamat ózi úshin de, basqalar úshin de vaktsınanyn qanshalyqty mańyzdy ekenin túsinip, ózin moraldyq jáne fızıkalyq turǵydan daıyndaýǵa tıis. Meniń otbasym vaktsına máselesine erikti túrde keldi. Ata-anam qytaılyq «Hayat-Vax» vaktsınasyn aldy, al men «Spýtnık V» vaktsınasyn tańdadym. Meniń tanystarym da koronavırýsqa qarsy ekpe aldy. Biz birge koronavırýsqa qarsy kúresti kúsheıtemiz», – dedi ol.